قالت ها يجمعنا اللقا رديت وقلت حسب الظروف
قالت دة كان في بينا حب رديت بكل الم وخوف
قلت اللقا حسب الظروف
قلت الظروف لو جمعتنا ها اكون معاكى وكلى حب
قلت الظروف لو جمعتنا ها اكون معاكي روح وقلب
ومشيت بعيد ما اعرفش كنت ها اروح لفين
معرفش ها ارجع ولا ها اهرب او راح تنسينى السنين
قررت ابعد عنها ابعد عن الناس كلها
وذى ما الدنيا بتلعب بيا ها العب معاها وزيها
و بعدت يوم يمكن يومين ما اعرفش كنت ازاي وفين
لكنى كنت با احس انى عايش غريق حيران حزين
وفهمت اني في بعدها ماليش تمن
والدنيا من غير الاحبة والحنا ما تعيش فيها غير شجن