// عزيـــزة نفـــس ولـو هالناس خلتنــيـ //




.. // عزيزة نفس ولو هالناس خلتني // ..

..
في ساعة الضيق ياكثر اللي تناسوني
وياقلهم في زمان الجّد والحاجــــــــه


..
ما ابي هواهم ولو قامو ينادوني
لي راي يبقى على العالم ومنهاجه

..
عزيزة نفس ولو هالنـــاس
..
خلوني
بعيش شامخه ولااقبل زيف هراجه

..
اسج عنهم واداوي خافي طعوني
واكتم ونيني واعرف شلون مخراجه


..
صبري كتبني بحرفه ليت يقروني
وعلاج روحي من الايام بعلاجه

..
مانيب شاكيه وبقهر من تحدوني
العّز ذاتي وصبري مشعل سراجه

..
وش عاد لوهم اذا اقفيت لاموني
من باع نفسه وش اللي فيه احتاجه

..
اصحاب حاجه مع الايام عادوني
وخانو غلانا وطاعو ناس هلباجه

..
واليوم والله نسيت اللي تناسوني
ولاعاد اذكر زمان الجرح والحاجه